وفاقی سطح پر بنیادی قانون: ماحولیاتی تحفظ ایکٹ 1997 (PEPA)

پاکستان میں ماحولیاتی تحفظ کا بنیادی قانون “ماحولیاتی تحفظ ایکٹ 1997” (PEPA) ہے جو پاکستان ماحولیاتی قوانین کا اہم ستون سمجھا جاتا ہے۔ یہ قانون ہوا، پانی، مٹی، سمندری آلودگی اور شور کے علاوہ خطرناک مواد کے استعمال پر قابو پاتا ہے۔

اس قانون کے تحت اگر کوئی فیکٹری یا صنعت کار قومی معیارات (NEQS) سے تجاوز کرے تو اسے ایک ملین روپے تک کا جرمانہ ہو سکتا ہے۔ اگر یہ خلاف ورزی مسلسل جاری رہے تو ہر روز کے لیے اضافی ایک لاکھ روپے کا جرمانہ بھی عائد کیا جا سکتا ہے۔

صوبوں کے اپنے اپنے قوانین اور ماحولیاتی قوانین نفاذ

جنگلات اور وائلڈ لائف کے تحفظ کے قوانین

1927 کا فوریسٹ ایکٹ آج بھی زیادہ تر صوبوں میں نافذ العمل ہے۔ اس قانون کے تحت محفوظ جنگلات میں درخت کاٹنا، چراغاہ بنانا، شکار، پانی میں زہر ملانا، اور کان کنی مکمل طور پر ممنوع ہے۔

وہ سزائیں جو پاکستان ماحولیاتی قوانین میں نہیں ہیں

اب آتے ہیں اس پہلو پر جس پر شاید ہی کسی نے غور کیا ہو۔ پاکستان ماحولیاتی قوانین — چاہے وفاقی پیپا 1997 ہو یا صوبائی ایکٹس — میں خلاف ورزی کرنے والوں کے لیے سزائیں تو تفصیل سے درج ہیں، مگر نفاذ میں ہیر پھیر کرنے والوں، اس ہیر پھیر میں معاونت کرنے والوں، مشاورت دینے والوں، یا پھر خاموشی اختیار کرنے والوں کے لیے کوئی سزا نہیں۔

قانون میں EPA کے اہلکاروں کو تفتیش کا اختیار ہے، فیکٹریوں کی چیکنگ کا اختیار ہے، جرمانے لگانے کا اختیار ہے — مگر اگر کوئی اہلکار رشوت لے کر آنکھیں بند کر لے، اگر کوئی افسر “رپورٹ میں ہیر پھیر” کرے، اگر کوئی وکیل “مشاورت” دے کر غلط رپورٹ تیار کروائے، یا پھر اعلیٰ افسر خاموشی اختیار کرے — ان سب کے لیے قانون میں کوئی سزا تجویز نہیں۔

یہ وہ جگہ ہے جہاں “کلاس” لینے کی ضرورت ہے۔ ہمیں یہ سمجھنا ہوگا کہ ماحولیاتی تحفظ صرف فیکٹریوں کے دھواں تک محدود نہیں۔ یہ ایک “نظام” ہے، اور جب نظام کے محافظ ہی نظام کو چونا لگائیں تو پھر قانون کا کوئی فائدہ نہیں۔